ورقة شجر ..

ورقة خريف .. 

بينقلها الهوا .. 

بتهدي بمحل .. وبتطير لمحل تاني .. 

نسمة بتاخدها .. 
وعاصفة بتكسرها ..

بتقاوم ايام .. 
وبتستسلم ايام اكتر بكتيير .. 

بتضحك ..بتبكي .. 

بتدور على شجرة .. 
بتشبه وطن ..

ورقة شجر .. 
مرتاحة .. طايفة بسلاسة .. 
مرة على طرف رصيف .. 
ومرة بمجرى نهر ..
بياخدها حدا ..
بيحاول يقلها .. 
انتي الي .. 
بتركب اول نسمة .. 
وبتهرب .. 
لانو نسيت .. انو السعادة ..
حق شرعي .. ومكتسب ..
  

انت كمان غريبة .. 

بس صرتي تخافي من الوطن .. 

صرتي تعرفي انو كل وطن ناقص .. 

وصرتي تشكي بانو الحرية مرسومة على بواب .. 

بتخبي وراها قصص .. 

وصارالامان ..
قصر الامير ..  
وانتي .. عبد فقير .. 

لا تخافي ..  
بيقولو .. 

كل ورقة شجر ..
مصيرها تلاقي مكان .. 
مصيرها تلاقي وطن ..