Friday, December 20, 2013

سلسلة من الاعترافات الغير منمقة .. الاعتراف الاول


بعيدا عن احزان احملها كما احملك ..صقيع يملأ مكانك .. وغربة لا يملكها احد .. هناك بين حضورك وغيابك اقف .. فاقدة الهوية والامان .. ابحث عنك كما يبحث المرتجف بردا عن اثار دخان .. 
هناك .. كالسراب تتمايل امام عيناي المتعبتان .. والامل يخونني ككل مرة برجوعك المنتظر .. وسؤالك الذي لن يأتي مرة اخرى .. 
قلت لك من انا مرات كثيرة .. عرفتني ولم تعرفني .. اتعبتني طفولتك المطلقة .. هذيانك السارح في يوتوبيا لم تعد تذكر هذه الايام .. 
ارقبك .. كعيد ذاع صيته .. كان ملكا لي .. وهرب من يدي ورحل .. 
انقب في ذكرياتك باحثة عن كلمة تشبهني منك .. وانظر في كل الصور .. 
الشوارع عوالم لا منتهية .. ذكريات تخلق من غيابك .. لتصبح ذكريات عنك .. 
هنا قد كنت جلست .. وهنا قد كنت تعبت .. وهنا سترسم الطفلة المسكينة على شفتيك ابتسامة تنير حياتها لأعوام قادمة لا تعدّ..  
بين عيون الاخرين .. وكلماتهم .. ابحث عنك .. عن اثر منك .. او ما بدلني الى درب تهت عنه .. وتاه عني .. 
بين الصمت والموت .. صرخة سرق صداها .. هاربة مني كالمجنونة ابحث .. 
انا منك ايها الغريب .. 
انا بقايا انسان تقطر له روحة المنهكة على جرعات .. 
وانت صورة جدارية في بيتي المهدم .. اسمع صوت حفيف الريح يمزق اطرافها البالية .. 
وانا وانت .. ارض مسحورة .. احتلها الغيلان .. 


https://soundcloud.com/fabrizio-paterlini/fabrizio-paterlini-empty-room?in=layla-zibar/sets/fabrizio-paterlini

Wednesday, December 11, 2013

مشاهد مقتطفة .. من ذاكرة تحترق ..


المشهد الاول .. 
لحظة تستحضر فيها الصوت الذي تعودت ان يكون اعلانا غير موثق ببدء حياتك اليومية .. 

المشهد الثاني .. 
لحظة تحاول استحضار ما كان .. تحطم فيها جدران صمت بنيتها انت داخلك .. فتحولك الى واقع لا يمكن تغييره ..

المشهد الثالث .. 
الصمت وانت توأمان .. تسكنان في عالم واحد .. تآخيتما على الرغم من انكما من عالمين مختلفين .. 

المشهد الرابع .. 
وطن جديد يلوح سرابا في افق غربة لم تعتد على غيرها .. وملامح اوطان قديمة ترحل عنك .. 

المشهد الاخير .. 
ملامح وجهك عند الشفق .. تشبهك الى حد كبير .. ولكنها لم تعد انت .. لسبب ما ..


Sunday, December 1, 2013

ما انت روحي



- ما إنت روحي .. 

- كيف يعني .. 

- يعني انت الضو اللي جوا عيوني .. 

- بس انت عيونك ما عادت تضوي متل اول .. 

- ........ 

- ليش سكتي ؟؟ 

- ما إنت روحي .. 


Saturday, October 12, 2013

بلحظة غريبة




بلحظة غريبة
كنا انا و انت
كان زمان ما حكينا
و لا ابتسامة غيرت طريقها لتمر بينى و بينك


بلحظة غريبة
طلعت فى..وطلعت فيك

من غير ما يكون بدى...ولا يكون بدك

التقت عينينا

كانت غريبة..وكان برد

وكانت ذكريات قديمة بتوجع

نزلت عينى...ونزلت عينك

بنفس اللحظة

ومشينا

كل حدا بطريق

بنهاية لحظة غريبة ...





اسمعوها وعطوني رأيكم ..
الشكر الكبير ل : دوزان ..



Friday, September 6, 2013

على هامش كتاب يقرأ ...


المتعة السرية ان تختفي وراء حروف وكلمات تشبهك في لحظة معينة .. ويوما ما .. بعد ان تتغير ملامحك .. تعيد اليك ذكرى نفسك القديمة ..


"باولو كويلهو - ساحرة بورتوبيلو "

Friday, August 30, 2013

خربشة فائضة عن الحاجة ..


عندما تطلق ذكرياتك عنانها .. وتتحداك ان تقف ..
تثير الغبار حولها كحصان عربي اصيل يرمي بحافره وسط الرمال ..
وانت تقف من هول اللحظة مكانك ..
غير قادر على النطق ..
كهول لحظة تحمل صدقا لم يعتد قلبك على امثالها ..
في غربتك تلك ..
 لحظة ايقنت بانك لا تملك من اسباب البقاء شيئا .. ولا من اسباب الرحيل ..
باحثا عن شبه معنى لما اعتقده املا ..
ورائحة السراب تملأك ..
كالحنين .. لا يقتلع من الجذور ابدا ..
ولا حتى برجاء لفقدان الذاكرة ..
انت رمز كوني لاخرين .. اشارة تدلهم على طريق ..
وروحك هائمة بلا هدى في مكان لا يشبه الوطن ..
ويطلق على نفسه القابا ..
ويفرض واجباته .. ويختلق لك حقوقا لست بحاجتها ..
الى ان .. يوما ما ..
تتبع الظل .. 

Wednesday, August 28, 2013

عادي .. ما هيك بتمشي ..



على فكرة .. كلو بيحكي بالسياسة والدين ..
وكلو بيكذب ..
وصار لما بيحكي بالحب ..
يييييي .. بيكذب اكتر بكتييير ..  
عادي .. ما هيك بتمشي ..
جبلي واحد صادق بالدنيا .. مو متكي على 100 كذاب بهالدنيا ليساعدوه يمشي ..
واخر شي .. بيعملك شريف ومافي حدا انضف منو بالمنطقة ..
لك كلو كذاب .. واللي ما بيعرف يكذب بياخد دورات خصوصي ... 

Friday, August 16, 2013

..........

ويبقى للعوسج حنين لا يدركه الا الثكالى .. 

فشة خلق ....


في لحظة بتجي .. بتخليك محتاج تعلي صوتك .. تبكي بصوتك المخنوق .. تضرب الارض برجليك وتقول مابدي .. 
بتحرق كل شي فيك .. بتحرق احاسيسك .. انتماءاتك .. وبتخليك تقعد بالزاوية اللي ما فيها ضي .. عيونك مشغولة بالدموع .. وروحك محملة بتقل الدنيا كلها .. 
محتاج حدا يضمك .. محتاج للحظة دفا من دون انتظار مقابل .. ولعيون بدمع لوجعك .. 
في تلج سكن جواتك .. كل الدفا اللي برا ما عميعرف يدوبو .. ما في الا ايد وحدة اذا انمدت رح ترجع الدنيا ربيع .. وهالايد ما عدت تعرف اذا بدها تكون موجودة .. او ما عادت موجودة اصلا .. 
بدك تقول بكل شجاعة انك خايف .. ومحتاج حدا يحميك .. 
بس المشكلة .. كل اللي حواليك اما بيحتموا فيك .. او متناسينك .. 
بتقوم .. بتمسح دموعك من دون ما تغسل وجهك .. 
وبتتمسك بالتلج اللي جواك .. 
الشي الوحيد اللي بيسندك هالايام .. 


S.E.N.S Wish

Sunday, August 11, 2013

سخرية القدر ..


كانت لحظة ضعف .. سرقت منه كل الجبروت الذي بناه على مدى ثلاثين سنة من سحق للمشاعر الانسانية .. وتحطيم اي بادرة رحمة قد اختلجت في صدره .. 
كانت لحظة ضعف قاتلة .. لدرجة اني .. رغم احتقاري له .. لم استطع الا ان اضع يدي على كتفه لمواساته .. 
ولسخرية القدر .. كانت الدائرة المتواجدة في تلك اللحظة .. اناس تحولوا ( لاسباب كثيرة اهمها علاقتهم به) .. الى تماثيل مشابهة له .. بلا روح .. 
هي الدائرة الوحيدة التي قد تتفهم انكساره .. دون الشعور بالرأفة .. او ابتذال اي نوع من الحزن المفتعل .. 
يطلب منهم المساعدة .. متاكدا من انهم سيلبونه .. لا احتراما او خوفا .. بل فقط .. لقدر اصرّ على ذلك .. 






مستوحاة من لحظة عابرة في مسلسل نيران صديقة .. 

Friday, August 9, 2013

ﻓﻜﺮﺓ ﺻﻐﻴﺮﺓ

ﺑﻜﻞ ﺑﺴﺎﻃﺔ . . ﺍﻟﻌﺘﺐ ﻋﻠﻰ ﻗﺪ ﺍﻟﻤﺤﺒﺔ . .
ﻟﻤﺎ ﻣﺎ ﺑﻌﺘﺐ ﻣﻮ ﺍﻧﻮ ﻧﺴﻴﺖ . .
ﺍﻟﻔﻜﺮﺓ ﺑﻜﻞ ﺑﺴﺎﻃﺔ . . ﺍﻧﻮ ﻣﺎ ﻋﺎﺩﺕ ﺗﻔﺮﻕ . .
ﻣﺎ ﺍﻟﻤﺤﺒﺔ ﻛﻤﺎﻥ ﺑﺘﻘﻞ . .
ﻭﻣﻤﻜﻦ ﺑﺎﻳﺎ ﻟﺤﻈﺔ ﺗﺘﺤﻮﻝ ﻟﺬﻛﺮﻯ . .
ﺗﺴﻘﻂ ﺑﺎﻟﺘﻘﺎﺩﻡ . .

Tuesday, July 23, 2013

ﻋﻠﻰ ﺍﺳﺎﺱ


ﺗﺨﻴﻞ ﻛﻞ ﺍﻟﺪﻧﻴﺎ ﻧﻮﺭ ،. . ﻭﻓﻲ ﺳﺒﻮﺕ ﺳﻮﺩﺓ . .ﻭﺍﻧﺖ ﻭﺍﻗﻒ ﺟﻮﺍﺗﻬﺎ . .ﺍﻳﻪ ﺑﻌﺮﻑ ﺷﻮﻋﻤﺒﻘﻮﻝ . .ﻭﺍﻳﻪ ﻣﻮ ﺍﻟﻌﻜﺲ ﺍﺑﺪﺍ . .
ﻏﺮﻳﺐ . . ﺷﻌﻮﺭ ﻣﺨﻴﻒ ﺍﻧﻮ ﺍﻟﻨﻮﺭ ﻏﻤﺮ ﻛﻞ ﺍﻟﻨﺎﺱ .ﻣﺎ ﻭﺻﻠﻚ . . ﺍﻳﻪ . . ﻫﺎﺩﺍ ﺷﻌﻮﺭﻱ ﻭﺍﻧﺖ ﻣﻮﺟﻮﺩ. .
ﺑﺤﺲ ﺍﻣﻮ ﺍﻧﺎ ﺑﻨﺺ ﺛﻘﺐ ﺍﺳﻮﺩ . . ﻭﻋﻤﺒﺘﺺ ﻛﻞ ﺍﻟﻌﺘﻤﺔ ﺗﺒﻊ ﺍﻟﻌﺎﻟﻢ . . ﻭﻗﺖ ﺍﻧﺖ ﻣﻮﺟﻮﺩ . .
ﻣﺎ ﺗﺨﻠﻴﺖ ﺍﻧﻮ ﺗﺎﺛﻴﺮﻙ ﺳﻠﺒﻲ ﻋﻠﻴﻲ ﻫﺎﻟﻘﺪ . . ﻭﻻ ﺍﻧﺎ ﻋﻠﻰ ﻓﻜﺮﺓ . .
ﻻ.ﻭﺍﻟﻠﻲ ﺑﻴﻀﺤﻚ ﺍﻛﺘﺮ . . ﺍﻧﻮ ﻏﻴﺎﺑﻚ ﺑﻴﺬﻛﺮﻧﻲ ﺍﻧﻲ ﺑﺸﺒﻪ ﺍﻟﺸﻤﺲ . ﻭﺍﻧﻮ ﺍﻟﻜﻮﻥ ﻣﻦ ﺑﻌﺪﻱ ﻣﺎ ﺍﺗﻨﻮﺭ .

Friday, June 14, 2013

حديث سوري للعضم ..





ليلى :
بتعرف وقت بتصل بابي .. وبيقلي لا ترجعي ..
بقللو خايفة اقضي رمضان وحدي ..
 بيقلي ..
لا ترجعي مافي حدا .. لا ترجعي 
 ..
رامي الصغير :
سلامتك تقبريني سلامتك
هون
بالبيت عندي
كتيييييييييير اوقات بكون نايم
وعتمة و هدوء
والكهربا مطفاية
بيضرب مدفع بصحا بتروح النومة
بقرر روح عالمطبخ اقعد دخنلي سيغارة
بشوف امي قاعدة بالمطبخ لحالا
وبابا عالبلكون عم يتأمل لحالو
واخوي متشطح بس مو نايم
هيك
كل واحد قاعد لحالو
ماحدا عبالو يحكي مع حدا
اووووووووووووووووووف
بس تنتهي الامور و ترجعو بدي حطكن واقعد احكيلكن كلشي بقلبي

ليلى :
سلامتك من الاوووووووووووووووف
ما بعرف غربة مين اصعب .. غربتي ولا غربتك
قولتك منقعد ؟

رامي الصغير :
بدنا نقعد مو عكيف حدا

شوية تفاصيل صغيرة




كل اللي بيناتنا شوية تفاصيل صغيرة ..
ممكن تتنسى
بتتذكر لما هيك قلت ..

شوية قصص صغيرة ..
شارع .. وغنية .. وضحكة من القلب ..
كل شي بيتنسى .. وذكرى ورا ذكرى .
بيضيعوا مني .. متل حبات الرمل ..
بنسمة هوا ..

وابتسامة صبي .. وانا جوا وهو برا ..
وانت .. بعيون حنونة بتضحكلي ..
وغنية عالطريق .. بتخلق بيني بينك ..
شي ..
ممكن يتنسى ..

Wednesday, May 8, 2013