شوية بالعامية .. انسو الفصحي !

اليوم بدي افهم كيف ..

بدي افهم ليش كمان ..

لما كل شي بيسكت حواليي ..

او لما الضجة بتكون باعلى صوت ..

بتضل انت الكون ..

وبضل انا .. كلما حاولت شوف الصورة الاكبر ..

" متل ما بيقولو" ..

بشوفك انت ..

وكل مرة .. بدور على تفاصيل جديدة .. تنسيني اسمك ..

بلاقيك متخبي باصغر ذرة ..

وكل كلمة .. ما بتشبهك .. بتصير بتحكي عنك ..

لانها مو انت ..

وكل مرة بخاف قلك اشتقتلك ..

بيعلى صوتي .. وبقلك اشتقتلك .. بكل لغة بعرفها ..

بتعرف ..

عبالي اعمل لغة جديدة ..

اعمل كل شي فيها ما بيشبتهك ..

بلكي بنساك اسرع ..

بس يا خوفي .. يا خوفي ..

تتجمع الحروف الجديدة ضدي ..

وتصير تحكي عنك ..

وانا .. متل ورقة شجر ..

طير .. وتاخدني ..

" متل كل مرة "..

النسمة لطريق بودي لعندك ..

و ولا مرة .. ولا مرة .. بتوصلني لعندك ..