ﻋﻠﻰ ﺍﺳﺎﺱ

ﺗﺨﻴﻞ ﻛﻞ ﺍﻟﺪﻧﻴﺎ ﻧﻮﺭ ،. . ﻭﻓﻲ ﺳﺒﻮﺕ ﺳﻮﺩﺓ . .ﻭﺍﻧﺖ ﻭﺍﻗﻒ ﺟﻮﺍﺗﻬﺎ . .ﺍﻳﻪ ﺑﻌﺮﻑ ﺷﻮﻋﻤﺒﻘﻮﻝ . .ﻭﺍﻳﻪ ﻣﻮ ﺍﻟﻌﻜﺲ ﺍﺑﺪﺍ . .
ﻏﺮﻳﺐ . . ﺷﻌﻮﺭ ﻣﺨﻴﻒ ﺍﻧﻮ ﺍﻟﻨﻮﺭ ﻏﻤﺮ ﻛﻞ ﺍﻟﻨﺎﺱ .ﻣﺎ ﻭﺻﻠﻚ . . ﺍﻳﻪ . . ﻫﺎﺩﺍ ﺷﻌﻮﺭﻱ ﻭﺍﻧﺖ ﻣﻮﺟﻮﺩ. .
ﺑﺤﺲ ﺍﻣﻮ ﺍﻧﺎ ﺑﻨﺺ ﺛﻘﺐ ﺍﺳﻮﺩ . . ﻭﻋﻤﺒﺘﺺ ﻛﻞ ﺍﻟﻌﺘﻤﺔ ﺗﺒﻊ ﺍﻟﻌﺎﻟﻢ . . ﻭﻗﺖ ﺍﻧﺖ ﻣﻮﺟﻮﺩ . .
ﻣﺎ ﺗﺨﻠﻴﺖ ﺍﻧﻮ ﺗﺎﺛﻴﺮﻙ ﺳﻠﺒﻲ ﻋﻠﻴﻲ ﻫﺎﻟﻘﺪ . . ﻭﻻ ﺍﻧﺎ ﻋﻠﻰ ﻓﻜﺮﺓ . .
ﻻ.ﻭﺍﻟﻠﻲ ﺑﻴﻀﺤﻚ ﺍﻛﺘﺮ . . ﺍﻧﻮ ﻏﻴﺎﺑﻚ ﺑﻴﺬﻛﺮﻧﻲ ﺍﻧﻲ ﺑﺸﺒﻪ ﺍﻟﺸﻤﺲ . ﻭﺍﻧﻮ ﺍﻟﻜﻮﻥ ﻣﻦ ﺑﻌﺪﻱ ﻣﺎ ﺍﺗﻨﻮﺭ .

حديث سوري للعضم ..

ليلى :

بتعرف وقت بتصل بابي .. وبيقلي لا ترجعي ..

بقللو خايفة اقضي رمضان وحدي ..

 بيقلي ..

لا ترجعي مافي حدا .. لا ترجعي 
 ..

رامي الصغير :

سلامتك تقبريني سلامتك

هون

بالبيت عندي

كتيييييييييير اوقات بكون نايم

وعتمة و هدوء

والكهربا مطفاية

بيضرب مدفع بصحا بتروح النومة

بقرر روح عالمطبخ اقعد دخنلي سيغارة

بشوف امي قاعدة بالمطبخ لحالا

وبابا عالبلكون عم يتأمل لحالو

واخوي متشطح بس مو نايم

هيك

كل واحد قاعد لحالو

ماحدا عبالو يحكي مع حدا

اووووووووووووووووووف

بس تنتهي الامور و ترجعو بدي حطكن واقعد احكيلكن كلشي بقلبي

ليلى :

سلامتك من الاوووووووووووووووف

ما بعرف غربة مين اصعب .. غربتي ولا غربتك

قولتك منقعد ؟

رامي الصغير :

بدنا نقعد مو عكيف حدا

شوية تفاصيل صغيرة

كل اللي بيناتنا شوية تفاصيل صغيرة ..

ممكن تتنسى

بتتذكر لما هيك قلت ..

شوية قصص صغيرة ..

شارع .. وغنية .. وضحكة من القلب ..

كل شي بيتنسى .. وذكرى ورا ذكرى .

بيضيعوا مني .. متل حبات الرمل ..

بنسمة هوا ..

وابتسامة صبي .. وانا جوا وهو برا ..

وانت .. بعيون حنونة بتضحكلي ..

وغنية عالطريق .. بتخلق بيني بينك ..

شي ..

ممكن يتنسى ..

....

ما عاد بدي لاقي حالي بين حروفك !

بلا ايقاع ..

خطوات قليلة كانت تفصلني عنك .. 

تغيرت .. 
هي الان اشخاص .. وذكريات .. وواقع لم يعد لنا .. 

كل ما كان في ذاك المكان .. كان لي ولك ..
في لحظة سيطر فيها صوت ملائكي .. ورقة القمر .. 

كان .. 

كنت اميز حضورك بين الجموع من دون ان اراك.. 
لم اعد استطع فعل ذلك .. 

تغيرت ملامحك .. 

ربما كانت ابتسامة لم تعد تحملها .. 

شغفا تاه منك في لحظة الم .. 

او ربما .. كانت حقيقة مرة باني لم اعرفك قط .. 

 خيالا رسمته انا .. جملته .. حولته الى اغنية .. 

سقط منها اللحن مرة واحدة .. 

اغنية ..
بلا ايقاع ..  

Hope ... أمل ...

نبحث انا وابناء وطني عن ملامح لبلادنا في كل مكان نطأة .. 

عن لحظة ذكرى .. 

وعن مشهد يشبه بلادي .. 

نحاول ان نرسم ملامح وطننا .. 

على كل مرأى نظر .. 

بدأ يوسف كيخيا في اسطنبول .. 

وكل منا ..يجب ان يرسم حبه .. 

وملامح سوريا في مكان ما .. 

نحن لا نبعثر رماد سوريا في كل مكان .. 

نحن نسترجعه .. 

الى لحظة عودة .. 

رائع .. :)

 http://www.youtube.com/watch?v=67Ym_gz0nVM&feature=share

وطن بخدود حمر ..

أحملك في ذكريات تحتج على محاولة ترحيلها .. 

أغادرك .. 

وأكون معك في لحظة صمت .. 

مخملية فاقدة الهوية .. 

متناسية النسيان .. 

وبسخرية قدر .. 

لا احمل من فقدان الذاكرة علامة .. 

سواك انت .. 

وطن وردي .. ضائع الملامح .. 

وطن بخدود حمر ..

لحظة .. دامت اكثر مما توقعت ..

لم تكن لحظات الوداع مؤلمة كما توقعت .. 

ربما كانت غريبة .. حزينة .. مبلولة النهايات .. لكني لم اعتقد ابدا باني سأقضي كل هذا الوقت من دون لقائهم .. 

المثير للسخرية اني اذكر بأني اغادر لاخر مرة .. غير معنية بالشعور الذي كان يتصاعد داخلي شيئا فشيئا .. اني اغادر بلا عوددة .. احاول ان انقش الشوارع والحارات على جدران الذاكرة .. علي احتفظ بصورتها ( او ما تبقى منها) .. لاستحضرها في ليالي الوحدة والالم .. 

لا اذكر الكثير .. ولكني اذكر نظرات امي الاخير .. وعيناي اللتان عجزتا عن ذرف الدموع وهي تغيب عن بصري .. 

اذكرها وهي تحاول المشي الى اخر الشارع .. محاولة استبقائي باحتجاجات غير معلنة .. وصمت يصم الكون .. 

اذكر حضن ابي الاخير .. واذكر لحنا حزينا في صوت اخي .. ودمعة في عين الاخر .. 

نظرات عمتي المتوسلة الخائفة .. وهي ترسلني الى ما وراء الشمس .. 

لم استطع النوم تلك الليلة .. 

اذكر ذلك ايضا .. 

وصوت ارتطام عجلات الطائرة .. في مطار القاهرة ..

...................

اكرهني .. 

وابحث عن اسباب اضافية .. 

لتعلقني على مشنقة الذكريات .. 

اكرهني .. فكل ما تحتاجه .. 

لحظات سلام بعدها .. 
ووطن تفرغ فيه الامك .. 

ورقة شجر ..

ورقة خريف .. 

بينقلها الهوا .. 

بتهدي بمحل .. وبتطير لمحل تاني .. 

نسمة بتاخدها .. 
وعاصفة بتكسرها ..

بتقاوم ايام .. 
وبتستسلم ايام اكتر بكتيير .. 

بتضحك ..بتبكي .. 

بتدور على شجرة .. 
بتشبه وطن ..

ورقة شجر .. 
مرتاحة .. طايفة بسلاسة .. 
مرة على طرف رصيف .. 
ومرة بمجرى نهر ..
بياخدها حدا ..
بيحاول يقلها .. 
انتي الي .. 
بتركب اول نسمة .. 
وبتهرب .. 
لانو نسيت .. انو السعادة ..
حق شرعي .. ومكتسب ..
  

انت كمان غريبة .. 

بس صرتي تخافي من الوطن .. 

صرتي تعرفي انو كل وطن ناقص .. 

وصرتي تشكي بانو الحرية مرسومة على بواب .. 

بتخبي وراها قصص .. 

وصارالامان ..
قصر الامير ..  
وانتي .. عبد فقير .. 

لا تخافي ..  
بيقولو .. 

كل ورقة شجر ..
مصيرها تلاقي مكان .. 
مصيرها تلاقي وطن .. 

الموضوع بسيط

الموضوع بسيط .. 

في اشيا بتستند على بعضها .. 

وفي اشيا بتكمل بعضها .. 

الضعيف بيتسند على القوي .. 

والقوي .. بيحس حالو مهم بسبب الضعيف .. 

الموضوع بسيط .. 

طيارة الورق .. بيمشيها الهوا .. 

والهوا .. ما بيمشي اشيا ما بدها تطير .. 

الموضوع بسيط .. 

كنا رفقة كتيير .. 

منفهم بعض كتيير .. 

وجعنا واحد .. 

بطلنا رفقة كتيير .. 

وضل الوجع والفهم .. 

معلقين بيناتنا ..

انو هيك صار ..

كانت كل القصة .. 

انو نحن مشينا . مشينا كتيير .. 

وكان الهوا غريب .. 

عميحكيلي حكاية ما بدي اسمعها .. 

كنت عمحاول ركز .. 

عمحاول اسمع صوتي .. 

بين الضجة .. 

وكل مرة ببتدي بسمع الهمس .. 

بتمرق سيارة .. بتخفي الصوت .. 

كل اللي كنت عمحاول اعملو .. 

اني دور على حالي .. 

بالزحمة .. 

قررت غير .. 

قررت شوف حالي بمرايا السيارات .. 

بس كل شي كان مغطى بالغبرة .. 

كل شي كان بيبنلي شبه خيال .. ممكن يكون انا .. 

وممكن ما يكون .. 

ولاقيت مراية مكسورة .. 

على طرف مرمية .. 

كانت صغيرة .. بس كنت ممكن شوف فيها شو صار فيني .. 

وفجأة من بعيد .. 

الهوا جاب كياس كتيير .. 

فيها حقايق ناس كتيير .. 

غطت المرايه .. 

ونسيت شو كان بدي ..

ومشيت ..

هل من مجيب ؟؟

هناك .. 

اعتقد انك تنتظرني .. 

عند نهاية قوس قزح .. 

اسير باحثة عنك .. 

في كل طيف لوني .. 

وعند التقائها ايضا .. 

اسائل نفسي .. ككل يوم .. 

هل ستأتي الي ؟؟ 

هل ستقابلني في منتصف الطريق ؟؟ 

ربما سيسطير الملل .. 

وتمشي .. 

بعيدا عن قوس قزح .. 

الى عالم ظلاله رمادية 

ارضه رمادية 

سمائه رمادية .. 

تتركني بعد ان سكنتك الالوان .. 

في عالم مختلف .. 

موشوري الطيف .. 

اخاف ان اترك فيه .. 

ظلا .. 
في اخر النهار ..

ذكريات تعيد نفسها ..

تمسك بيديه .. 

تهدهده .. 

كطفل متعب مريض تارة .. 

او كعصفور مجروح تارة اخرى .. 

تتمايل على اوجاعه .. 

وتحاول ان تتجاهل.. 

نخزات انينه في روحها .. 

تداويه .. 

تجرعه حنانا .. تحتاج هي اليه .. 

ثم تعود لتهرب منه .. 

بخطى مدماه .. 

وروح مثقلة بآلامه .. 

سراب ..

انو كيف .. بتخيل .. 

 بتكون انت .. 

بتسمع اللي جواتي .. اكتر مني .. 

كيف كل لما بفكر بشغلة .. 

بلاقيك رسمتها بلوحة .. 

وكيف لما صوت بيهزني .. 

بتغنيه .. 

وكيف .. كل مرة .. لما ما بعود بفهم حالي .. 

بلاقي حالي مصورة .. مرسومة .. بعيونك .. 

يا ترى معقول انو كلو خيال .. 

وانو انا نسيت .. 

اني كل مرة .. بدور على شي بيربطني فيك .. 

وبرسم حالي بعينيك .. 

وبصوت عالي .. 

بصرخ باسمك .. بناديك .. 

وبتخيل .. 

متل كل مرة  .. 

انك بترد علي .. 

وانو بنسى .. انو انت متل كل مرة .. 

بلاقيك سراب .. 

وانا ضايعة .. 
بضياعي فيك ..